د لوی غر د ادارې خبرتیا!!! د لوی غر ویبپاڼه د پر مختللو کمپیوټري پروګرامونو پر مټ تاسې ته د نورو خبري سرچینو څخه شېبه په شېبه تازه خبرونه په خپلکاره )اوتوماتیک) ډول چمتو کوي. د خبر سموالی او کره والی د خبر سرچینې پورې تړاو لري ، د لوی غر ویبپاڼه یې هیڅ ډول مسؤولیت په غاړه نه اخلي
جمعه, 08 مرداد 1395 19:36

!پام چې پاکستان مو بيا ځلي دوکه نه کړي

Rate this item
(0 votes)

په داسې حال کی چې د سرحدي مسايلو او د ډيورنډ کرښې پر سر د نښتو او جنجالونو له کبله د کابل او اسلام آباد اړیکې خړې پړې شوې او پر یو او بل يې د ترهګرو د ملاتړو تورونه پورې کړي دي؛ تيره ورځ د يادې ستونزې د حل په موخه د افغانستان، پاکستان او غوڅ ملاتړ د اپراسیون رییسانو په کچه درې اړخیزه غونډه ترسره شوه. د افغان حکومت پر وينا په دې غونډه کې پر دې ټینګار وشو،  چې د داعش پرضد باید ګډه مبارزه وشي او په دې برخه کې باید همغږي رامنځ ته شي. په ياده درې اړخيزه ناسته کې پر دې خبرې وشوې چې پاکستانی لوری بايد جدي اقدامات وکړي او داعش ته اجازه ور نه کړي، چې د دوی له خاورې افغانستان ته راشي.

همدغه راز د افغانستان د دفاع وزارت د وياند دولت وزيري پر وينا له درې اړخیزې غونډې وروسته د افغان او پاکستاني پلاوي ترمنځ دوه اړخیزه غونډه هم وشوه، چې په کې د ډیورند فرضي کرښې دواړو غاړو ته رامنځ ته کیدونکو ستونزو په اړه بحث وشو. د  وزیري پر وینا پاکستاني پلاوي به په دې غونډه کې د بحثونو مالومات خپلو چارواکو ته وړاندې کوي او هغوی به پرې غورکوي.

په همدې حال کې پاکستاني رسنۍ وايې د افغانستان او پاکستان تر منځ د سرحدي ستونزو د حل لپاره خبرې به په راتلونکی اونۍ کې په ايران کې وشي. ولمسشر غني به ایران ته د سفر په ترڅ کې، په تهران کې دا مسله، د پاکستان د پوځي چارو د ملي امنیت سلاکار، ناصر خان جنجوعه، سره چې پدې وروستیو کې د دواړو هیوادونو ترمنځ د سرحدي نښتو سبب شوي، را وسپړي. پاکستان وایي غواړي د افغانستان او پاکستان ترمنځ له ډيورنډ کرښې څخه پرغیر قانوني تلونکو راتلونکو باندی د کلک څار نوی میکانیزم عملی کړي. پاکستانی چارواکي ټینګار کوي چې تندلاري ددې حالت نه ګټه اخلي او د کلک څار د نشتوالي له کبله د پولو څخه په آزاد تګ راتګ په دواړو غاړو کې خپل تررستي فعالیتونه تر سره کوي.

دلته مهمه دا ده ؛ پاکستان په داسې حال کې چې په سياسي انزوا کې د راګير کيدو په حال کې دی؛ آيا دا ځل به افغان حکومت سره په کړو ژمنو او د سرحدي ستونزو په حل کې رښتونې همکاري وکړي؟

د پاکستان اصلي ترهګريزه او ترهګر پاله څېره په وروستيو کې ټولې نړۍ ته ښه بربنډه شوې ده. آن تر دې چې خپل تر ټولو لوی ملاتړ کوونکی هيواد (امريکا متحده ایالتونه) هم پرې بې باوره شوي دي. د امريکا د کانګرس د بهرنيو اړيکو کمېټې ته د ډاکتر زلمي خليلزاد څرګندونې او په ټوله کې د پاکستان خلاف وروستی دريځ يې، د امريکا د کانګرس د ډیرو غړو ملاتړ ترلاسه کړی دی. اوس د امریکا د کانګرس ډیری غړي په دې باور دي چې پاکستان له امريکا د ترهګرو د ځپلو په نوم ميلونونه ډالر مرستې اخلي خو برعکس په يادو مرستو ترهګر پالي او روزنه ورکوي. په ټوله کې پاکستان د خپلو نيږدو دوستانو ملاتړ له لاسه ورکړی او د سياسي انزوا پر لور روان دی. اوس د دې لپاره چې بيرته خپل ملاتړي پيدا کړي او امریکا او افغانستان د افغان حکومت سره د مرستې په نوم وغولوي؛ تر ډیره هڅه کوي چې يو ځل بيا په ماهرانه توګه افغان دولت او امریکا په خپلو مکارو اوښکو او نرمو ژمنو دوکه کړي.

له پاکستان سره د درې اړخیزو او څلور اړخيزو ناستو موضوع کومه نوې خبره نه ده، دا هغه نسخه ده چې پخواني افغان ولسمشر حامد کرزي په لسګونو ځله او اوسني ولسمشر اشرف غني د کار له لومړۍ ورځې تر ننه تجربه کړې ده خو پايله يې يوازې د پاکستان مکارتوب، دوه مخي سياست او لور په لوټه تيرول دي. افغان حکومت دا تیر څوارلس کاله پر همدغو درې اړخیزو غونډو وخت ضایع کړ خو له پاکستانه يې د رښتيوالۍ هيڅ څرک ونه ليد. اوس افغان دولت ته په کار ده چې وخت ضایع نه کړي او د پاکستان د ښکاره او بې شرمانه لاسوهنو په اړه اسناد دې نړیوالې ټولنې ته وړاندې کړي.

دا چې په اوسني وخت کې پاکستان د خپل عمل په سزا کې راګيريدونکي ښکاري او خپل لوي ملاتړي امريکا سره يې هم په اوړو کې شګه پيدا شوې ده نو اوس بايد هم افغان دولت او هم د نړۍ نور هغه هيوادونه چې له پاکستاني ترهګرو څخه په اور کې ولاړ دي؛ بايد په ګټه له دغه فرصته اعظمي ګټه واخلي او په نړيوال ټريبون د ترهګرو هيوادونو په ليست کې د پاکستان نوم د شامليدو غوښتنه دې مطرح کړي. افغان دولت دې نور د پاکستان په هيڅ ژمنې او تړون باندې باور نه کوي او امریکا دې هم نوره د پاکستان په مکارتوب نه تيروځي او خپله هر ډول مرسته چې د ترهګرۍ سره د مبارزې په نوم يې له دغه هيواد سره هر کال کوله؛ پرې دې بنده کړي.

 

لیکنه : خوشحال آصفي 

Read 1729 times

Leave a comment

Make sure you enter all the required information, indicated by an asterisk (*). HTML code is not allowed.

مجله

  • معارف څنګه غیرسیاسي کيږي؛ پښتون له دندې ګوښه او د خپل قوم خلک ځای پرځای کيږي!
    معارف څنګه غیرسیاسي کيږي؛ پښتون له دندې ګوښه او د خپل قوم خلک ځای پرځای کيږي! په افغانستان کې پر تنظیمونو د واک او څوکیو د ويش دود به کله پای ته رسيږي؟! هر وزارت کې چې نوی وزير وټاکل شي لومړی کار يې دا دی، چې د خپل تنظیم او قوم خلک ځای پر ځای کړي. راځم اصل مطلب ته او هغه د هېواد د…
  • د پاکستان او هندوستان د پوځي ځواک مقایسه
    د پاکستان او هندوستان د پوځي ځواک مقایسه – د پاکستان د وګړو شمېر ۲۰۴ میلیونه ۹۲۴ زره دی، د هندوستان د وګړو شمېر ۱ میلیارد ۲۸۱ میلیونه ۹۳۵ زره دی، – د پاکستان بشري ځواک ۹۵ میلیونه دی، د هندوستان ۶۱۶ میلیونه دی، – د پاکستان ۷۵ میلیونه ۳۲۵ زره کسان خدمت ته برابر دي، د هندوستان…
  • افغان سوله؛ په قطر کې د امریکا ـ طالبانو شپږ ورځنۍ خبرې
    افغان سوله؛ په قطر کې د امریکا ـ طالبانو شپږ ورځنۍ خبرې د افغان سولې په اړه د امریکا او طالبانو ترمنځ درېیمه ناسته کابو دوې مياشتې وړاندې په متحده عربي اماراتو کې وشوه. له دغې ناستې وروسته د دواړو لورو ترمنځ د اجنډا پر سر د اختلاف له امله د لنډ مهال لپاره خبرې وځنډېدې. که څه هم دغه ځنډ له…
  • شرکت کنندگان يک نشست، کميسيون حقوق بشررابه انحصار و قوم گرايى متهم کردند
    شرکت کنندگان يک نشست، کميسيون حقوق بشررابه انحصار و قوم گرايى متهم کردند اشتراک کننده گان يک نشست، کميسيون مستقل حقوق بشر افغانستان را به انحصار و قوم گرايى متهم مى کنند و مى گويند که حدود ٧٠ درصد افراد شامل فهرست واجدين شرايط عضويت اين کميسيون، مربوط به يک قوم مى باشند. آنها خواستار لغو کميته اى مى باشند که اين فهرست…
  • ماسکو غونډه کې د طالبانو د پلاوي د وینا بشپړ متن
    ماسکو غونډه کې د طالبانو د پلاوي د وینا بشپړ متن د روسیې په پلازمینه مسکو کې د افغان سولې په تړاو نړیواله غونډه ترسره شو؛ په غونډه کې د طالبانو د استازو او د سولې عالي شورا د نمایندګانو په ګډون د ۱۱ هیوادونو چارواکو ګډون درلوده. له اټکل سره سم، طالبانو له دې غونډې ابزاري استفاده وکړه او د…
  • اسلامی حزب یوه طرحه د ټاکنو خپلواک کمیسیون ته وسپارله
    اسلامی حزب یوه طرحه د ټاکنو خپلواک کمیسیون ته وسپارله د افغانستان د حرب اسلامي ګوند د راتلونکو انتخاباتو د ترسره کېدو د څرنګوالي په اړه، د انتخاباتو خپلواک کمېسیون ته یوه طرح وسپارله. د دغه ګوند مشر ګلبدین حکمتیار د شنبې په ورځ د انتخاباتو د خپلواک کمېسیون له کمیشنرانو سره یوځای یوې خبري غونډې ته وویل، دا طرحه…
  • خواخوږي که دوه رنګي؛ ايران يواځې په ځانګړې ډلې بريدونه غندي
    خواخوږي که دوه رنګي؛ ايران يواځې په ځانګړې ډلې بريدونه غندي د يادو ټولو بريدونو مسوليت ترهګرو پر خپله غاړه اخيستی، دا حملات په کورنۍ او نړيواله کچه وغندل شول. پاکستان، ترکيه، سعودي او اروپايې ټولنه هغه مراجع دي چې په دغو بريدونو کې ځان له افغانانو سره په غم کې شريک بللی، خو ايران بيا پرته له دې چې د…

بـیـې او نرخـونه