د لوی غر د ادارې خبرتیا!!! د لوی غر ویبپاڼه د پر مختللو کمپیوټري پروګرامونو پر مټ تاسې ته د نورو خبري سرچینو څخه شېبه په شېبه تازه خبرونه په خپلکاره )اوتوماتیک) ډول چمتو کوي. د خبر سموالی او کره والی د خبر سرچینې پورې تړاو لري ، د لوی غر ویبپاڼه یې هیڅ ډول مسؤولیت په غاړه نه اخلي
جمعه, 26 آذر 1395 21:34

د روسيې، ايران او پاکستان نوی جال

Rate this item
(0 votes)

هغه مثلت چې غواړي طالبانو ته رسمي هويت ورکړي

په داسې حال کې چې له افغان حکومت سره د وسله والو طالبانو د سولې کولو په اړه بيلابيل خبرونه خپريږي؛ څو ورځې وړاندې ايران او روسيې له دغې ترهګرې ډلې (طالبانو) سره د اړيکو درلودو تايد وکړ. تيره ورځ د افغانستان مشرانو جرګې په کابل کې د روسیې سفیر ور وغوښت چې له طالبانو سره د روسيې د اړیکو او ګډو ګټو په اړه وضاحت ورکړي. په کابل کې د روسيې سفیر الکساندر مانتیسکي په ټینګار سره وویل چې هېواد یې په افغانستان کې د طالبانو پرمټ، د داعش د ډلې ځپل غواړي او دا په افغانستان کې له طالبانو سره د روسېې د ګډو ګټو او یا د طالبانو د تمویلولو او تجهیزولو په معنی نه دي. دا لومړی ځل نه دی چې روسيه له طالبانو سره د اړيکو درولودو باندې اعتراف کوي بلکې له دې وړاندې د افغانستان لپاره د روسيې ځانګړي استازي ضمیر کابلوف ویلي و چې، طالبان د هغو کسانو پر ضد جنګېږي چې دوی په سوریه کې ورسره په جنګ دي او همدا لامل دی چې زمونږ ګټې سره نېږدې کوي.

بل پلو ايران هم له طالبانو سره په خپلو اړيکو اعتراف کړی دی. څو ورځې وړاندې په کابل کې د ايران سفير محمد رضا بهرامي ومنله چې هيواد يې له طالبانو سره په اړيکه کې دی. ده خپلو خبرو ته د جعلي مشروعيت ورکولو په خاطر له وسله والو طالبانو سره اړيکه او رابطه بيل وبلل او زياته يې کړه، د اړيکې او رابطې تر منځ توپير وجود لري. نه پوهيږو بهرامي په خپله په ډيپلوماسۍ نه پوهيږي او که افغان حکومت او افغانان له ديپلوماسۍ ناخبره بولي چې له يوه طرفه له وسله والو طالبانو سره پر خپلو اړيکو اعتراف کوي او له بله پلوه بيا وايې چې د اړيکې او رابطې تر منځ توپير شتون لري؟

لومړی خو دا چې د افغان حکومت له خبراوي پرته له وسله والو طالبانو سره که ايران اړيکه نيسي او يا که ورسره ارتباط لري؛ دا د ډيپلوماسۍ د ټولو اصولو خلاف عمل دی. دا په ښکاره په افغانستان، افغانانو او د افغانستان په حکومت ملنډې وهل دي چې د حکومت په شتون د حکومت له هغې مخالفې وسله والې ډلې ملاتړ کوي چې کلونه يې د افغان ولس وينې زبيښلې دي او افغان وژنه يې ترسره کړې ده. او تر ټولو لا بده يې لا دا چې په ډيرې سپین سترګۍ په خپلو دغو اړيکو اعتراف هم کوي او د مسخرې په شکل وايې چې اړيکه او ارتباط توپير لري. اصلاً له يو چا سره د اړيکې نيول هم د ارتباط جوړولو په خاطر ترسره کيږي. د ايران چې په اوړو کې شګه نه وي نو له ترهګرو سره د څه لپاره اړيکه نيسي؟ خو ښکاره ده چې دلته د خپل سياسي رقيب امریکا د حضور ننګونه کوي.

بل لور ته روسيه هم له پاکستان سره په مشورې وسله والو طالبانو ته شين څراغ روښانوي. روسيه له یو لوري له پاکستان سره په ګډه د امريکا په خلاف په افغانستان کې د امريکايې ګټو د ننګولو په خاطر د ترهګرو ملاتړ کوي او له بل لوري په افغانستان کې د نوې پدېدې (داعش) له خطره د ځان ساتلو په خاطر د طالبانو ملاتړ کوي. روس اوس دا حقیقت درک کړی دی چې داعش يو استخباراتي پروژه ده چې د روسيې او ځينو هیوادونو د ځپلو لپاره تياره شوې ده. لکه څنګه چې داعش د طالب ايډيال دښمن دی نو روسیه او ايران دواړه غواړي دوه ترهګرو ډلو له همدغه مخالفته ګټه پورته کړي او طالب د داعش د تضعيف د فکتور په توګه وکاروي.

همداراز روسيه په ښکاره اعتراف کوي چې طالبان د هغو کسانو پر ضد جنګېږي چې دوی په سوریه کې ورسره په جنګ دي او همدا لامل دی چې زموږ ګټې سره نېږدې کوي. یعنې په سوريه کې د روسيي ځواکونو خلاف امريکايې ځواکونه د جګړې ملاتړ کوي نو په ټوله کې له طالبانو د روسيې د ملاتړ هدف هم همدا دی چې په افغانستان کې د امريکايې ګټو د تضعيف لپاره يې وکاروي. بل طرف له وسله والو طالبانو د روسيې د ملاتړ دليل دا هم کیدای شي چې په افغانستان کې د پخواني شوروي په خلاف د جهاد پر مهال بريتانيا او انګلستان د مجاهدينو ملاتړ کولو او روسيه يې پرې په ګونډو کړه نو اوس روسيه غواړي بيرته خپل غچ واخلي او د طالبان په نامه د همدې افغانانو په لاس د بريتانيا، امريکا او انګلستان خلاف جګړه وکړي.

لیکنه : خوشحال آصفي

 

 

Read 1010 times

Leave a comment

Make sure you enter all the required information, indicated by an asterisk (*). HTML code is not allowed.

مجله

  • معارف څنګه غیرسیاسي کيږي؛ پښتون له دندې ګوښه او د خپل قوم خلک ځای پرځای کيږي!
    معارف څنګه غیرسیاسي کيږي؛ پښتون له دندې ګوښه او د خپل قوم خلک ځای پرځای کيږي! په افغانستان کې پر تنظیمونو د واک او څوکیو د ويش دود به کله پای ته رسيږي؟! هر وزارت کې چې نوی وزير وټاکل شي لومړی کار يې دا دی، چې د خپل تنظیم او قوم خلک ځای پر ځای کړي. راځم اصل مطلب ته او هغه د هېواد د…
  • د پاکستان او هندوستان د پوځي ځواک مقایسه
    د پاکستان او هندوستان د پوځي ځواک مقایسه – د پاکستان د وګړو شمېر ۲۰۴ میلیونه ۹۲۴ زره دی، د هندوستان د وګړو شمېر ۱ میلیارد ۲۸۱ میلیونه ۹۳۵ زره دی، – د پاکستان بشري ځواک ۹۵ میلیونه دی، د هندوستان ۶۱۶ میلیونه دی، – د پاکستان ۷۵ میلیونه ۳۲۵ زره کسان خدمت ته برابر دي، د هندوستان…
  • افغان سوله؛ په قطر کې د امریکا ـ طالبانو شپږ ورځنۍ خبرې
    افغان سوله؛ په قطر کې د امریکا ـ طالبانو شپږ ورځنۍ خبرې د افغان سولې په اړه د امریکا او طالبانو ترمنځ درېیمه ناسته کابو دوې مياشتې وړاندې په متحده عربي اماراتو کې وشوه. له دغې ناستې وروسته د دواړو لورو ترمنځ د اجنډا پر سر د اختلاف له امله د لنډ مهال لپاره خبرې وځنډېدې. که څه هم دغه ځنډ له…
  • شرکت کنندگان يک نشست، کميسيون حقوق بشررابه انحصار و قوم گرايى متهم کردند
    شرکت کنندگان يک نشست، کميسيون حقوق بشررابه انحصار و قوم گرايى متهم کردند اشتراک کننده گان يک نشست، کميسيون مستقل حقوق بشر افغانستان را به انحصار و قوم گرايى متهم مى کنند و مى گويند که حدود ٧٠ درصد افراد شامل فهرست واجدين شرايط عضويت اين کميسيون، مربوط به يک قوم مى باشند. آنها خواستار لغو کميته اى مى باشند که اين فهرست…
  • ماسکو غونډه کې د طالبانو د پلاوي د وینا بشپړ متن
    ماسکو غونډه کې د طالبانو د پلاوي د وینا بشپړ متن د روسیې په پلازمینه مسکو کې د افغان سولې په تړاو نړیواله غونډه ترسره شو؛ په غونډه کې د طالبانو د استازو او د سولې عالي شورا د نمایندګانو په ګډون د ۱۱ هیوادونو چارواکو ګډون درلوده. له اټکل سره سم، طالبانو له دې غونډې ابزاري استفاده وکړه او د…
  • اسلامی حزب یوه طرحه د ټاکنو خپلواک کمیسیون ته وسپارله
    اسلامی حزب یوه طرحه د ټاکنو خپلواک کمیسیون ته وسپارله د افغانستان د حرب اسلامي ګوند د راتلونکو انتخاباتو د ترسره کېدو د څرنګوالي په اړه، د انتخاباتو خپلواک کمېسیون ته یوه طرح وسپارله. د دغه ګوند مشر ګلبدین حکمتیار د شنبې په ورځ د انتخاباتو د خپلواک کمېسیون له کمیشنرانو سره یوځای یوې خبري غونډې ته وویل، دا طرحه…
  • خواخوږي که دوه رنګي؛ ايران يواځې په ځانګړې ډلې بريدونه غندي
    خواخوږي که دوه رنګي؛ ايران يواځې په ځانګړې ډلې بريدونه غندي د يادو ټولو بريدونو مسوليت ترهګرو پر خپله غاړه اخيستی، دا حملات په کورنۍ او نړيواله کچه وغندل شول. پاکستان، ترکيه، سعودي او اروپايې ټولنه هغه مراجع دي چې په دغو بريدونو کې ځان له افغانانو سره په غم کې شريک بللی، خو ايران بيا پرته له دې چې د…

بـیـې او نرخـونه