د لوی غر د ادارې خبرتیا!!! د لوی غر ویبپاڼه د پر مختللو کمپیوټري پروګرامونو پر مټ تاسې ته د نورو خبري سرچینو څخه شېبه په شېبه تازه خبرونه په خپلکاره )اوتوماتیک) ډول چمتو کوي. د خبر سموالی او کره والی د خبر سرچینې پورې تړاو لري ، د لوی غر ویبپاڼه یې هیڅ ډول مسؤولیت په غاړه نه اخلي
پنج شنبه, 14 بهمن 1395 15:50

طالب مشران په غم واوختل؛ خپل بادار يې وژني

Rate this item
(0 votes)

وروسته له هغې چې وسله والو طالبانو په سږکال جګړو کې ستره ماتې وخوړه، ګڼ شمېر مشران يې ووژل شول او همداراز په ځينو يې مالي سرچينې وچې شوې؛ تيره ورځ رویټرز خبري اژانس د طالبانو د یوه مشر له قوله خبر خپور کړ چې، ملا هیبت الله د ۱۶ ولایتونو لپاره د دوی خيالي والیان د دې لپاره بدل کړي چې د طالبانو پر تحریک خپل کنټرول زیات کړي. رویټرز ويلي چې، د طالبانو ډله په وروستیو کې د داخلي اختلافاتو او د داعش یا اسلامي دولت د وسله والې ډلې د ظهور له کبله کمزورې شوې خو د طالبانو لوی مشران وايي چې د ملا هیبت الله اخوندزاده له لوري نوي مقررۍ به د ده موقف پیاوړی کړي.

که څه هم وسله وال طالبان په خپلو ليکو کې نوي تغيرات د دوی د موقف د قوي کولو لپاره بولي خو اصلي موضوع بل چيرته ده. اصلي خبره دا ده چې په دوی کې يې خپل بادار او ملاتړ کوونکي آی ايس آی چاڼيز عمليات پيل کړي دي. اوس د پاکستان استخباراتي اداره هڅه کوي چې د طالبانو په ليکو کې هغه کسان له دندو ليرې او ترور کړي چې نور د دوی په درد نه دوا کيږي. ويل کيږي چې آی ايس آی د طالبانو په ليکو کې د دغو چاڼيزو عملياتو مشري حافظ مجيد ته پر غاړه اچولې او ورته يې د دغه پروسې د پر مخ بيولو لپاره يو منظم پلان ورکړی دی.

د سرخط ورځپاڼې د خبر له مخې د دې لړۍ پيل د ۱۶ ولايتونو لپاره د طالبانو له خيالي واليانو شوی دی او ورپسې او ورپسې د ولسوالانو او امنيه قوماندانانو نوبت دی. نوي ګمارل شوي طالب چارواکي آی ايس آی روزلي او نسبت پخوانيو طالبانو ته دوی د پاکستان ګټو ته ډير پام کوي. سرخط د طالبانو د يوې سرچيني په قول وايې چې د دې پلان دويمه برخه بيا د هغه ګوښه شويو واليانو او امنيه قوماندانانو ترور دی چې نور پاکستان ته په ګټه نه دي او له جګړې يې زړه مات شوی دی.

پاکستان ولې د طالبانو په ليکو کې چاڼيز عمليات پيل کړل؟

پاکستان د درې هدفونو لپاره طالبان ترور کوي:
لومړی؛ د پاکستان له امره سرغړونکي طالبانو وژل: يو څرګند حقيقت دا دی چې پاکستان تل د خپلو ګټو په خاطر طالب قرباني کړی دی او له نړيوالو يې پرې پيسې شکولې دي. آی ايس آی تل هغه طالب مشران چې د پاکستان له امره سرکشي کړې او يا يې سولې ته زړه ښه کړی دی؛ له تيغه تير کړي، ترور کړي او وژلي دي. ښه بيلګه يې د پاکستان د بلوچستان ایالت د تفتان په سیمه کې د طالبانو پخواني مشر ملا منصور وژل کيدل دي چې ويل کيږي په وروستيو کې يې د پاکستان له اجازې پرته له ايران او روسيې سره اړيکې جوړولې او د همدې کار له امله د امريکا د بې پيلوټه الوتکې د بريد ښکار شو.

دويم؛ په طالبانو سياسي سوداګري: بل حقيقت دای دی چې د پاکستان لپاره طالب د امتياز اخيستلو يوه سياسي وسيله ده، هر کله که يې له نړيوالو د پيسو شکولو زمينه ليدلې نو د رقم په بدل کې يې طالب مشران يا ژوندي امريکا ته په لاس ورکړي او يا يې ورته د اوسيدو ځای په ګوته کړی چې په پای کې يې طالب مشر سر خوړلی دی. ښه بېلګه يې امريکا ته په پاکستان کې د طالبانو د وخت سفير ملا عبد السلام ضعيف ژوندي په لاس ورکول او همداراز په ايبټ آباد کې امريکايي الوتکو ته د اسامه بن لادن ځای ورښودل دي.

دريم؛ د پاکستان د ګټو نه تامينوونکو طالبانو له منځه وړل: لکه څنګه چې مخکې ورته اشاره وشوه پاکستان له طالبانو د امتياز د وسيلې په توګه کار اخلي. اسلام آباد په دوه طريقو مستقيم او غير مستقيمو، له طالبانو د وسيلې په توګه کار اخلي. مستقيم په دې معنا چې طالبان په افغانستان کې د جنګ وسيلې دي او دلته له دغه جنګه په مستقيمه توګه د پاکستان حکومت، پوځ او آی ا يس آی يې ګټه پورته کوي. غير مستقيم په دې معنا چې پاکستان د طالب په سر سياسي سوداګري کوي.

نو ويلی شو چې طالبان به اوس له خپلې لمنې اور اخلي، اوس آی ايس آی غواړی په افغانستان کې د طالبانو په ليکو کې د بدلون په نوم هغه طالب مشران چې نور دوی ته په درد نه خوري له منځه يوسي او پر ځای يې نوي او پاکستان ته وفاداره طالبان وټاکي.

 

لیکنه : خوشحال آصفي 

Read 1123 times

Leave a comment

Make sure you enter all the required information, indicated by an asterisk (*). HTML code is not allowed.

مجله

  • معارف څنګه غیرسیاسي کيږي؛ پښتون له دندې ګوښه او د خپل قوم خلک ځای پرځای کيږي!
    معارف څنګه غیرسیاسي کيږي؛ پښتون له دندې ګوښه او د خپل قوم خلک ځای پرځای کيږي! په افغانستان کې پر تنظیمونو د واک او څوکیو د ويش دود به کله پای ته رسيږي؟! هر وزارت کې چې نوی وزير وټاکل شي لومړی کار يې دا دی، چې د خپل تنظیم او قوم خلک ځای پر ځای کړي. راځم اصل مطلب ته او هغه د هېواد د…
  • د پاکستان او هندوستان د پوځي ځواک مقایسه
    د پاکستان او هندوستان د پوځي ځواک مقایسه – د پاکستان د وګړو شمېر ۲۰۴ میلیونه ۹۲۴ زره دی، د هندوستان د وګړو شمېر ۱ میلیارد ۲۸۱ میلیونه ۹۳۵ زره دی، – د پاکستان بشري ځواک ۹۵ میلیونه دی، د هندوستان ۶۱۶ میلیونه دی، – د پاکستان ۷۵ میلیونه ۳۲۵ زره کسان خدمت ته برابر دي، د هندوستان…
  • افغان سوله؛ په قطر کې د امریکا ـ طالبانو شپږ ورځنۍ خبرې
    افغان سوله؛ په قطر کې د امریکا ـ طالبانو شپږ ورځنۍ خبرې د افغان سولې په اړه د امریکا او طالبانو ترمنځ درېیمه ناسته کابو دوې مياشتې وړاندې په متحده عربي اماراتو کې وشوه. له دغې ناستې وروسته د دواړو لورو ترمنځ د اجنډا پر سر د اختلاف له امله د لنډ مهال لپاره خبرې وځنډېدې. که څه هم دغه ځنډ له…
  • شرکت کنندگان يک نشست، کميسيون حقوق بشررابه انحصار و قوم گرايى متهم کردند
    شرکت کنندگان يک نشست، کميسيون حقوق بشررابه انحصار و قوم گرايى متهم کردند اشتراک کننده گان يک نشست، کميسيون مستقل حقوق بشر افغانستان را به انحصار و قوم گرايى متهم مى کنند و مى گويند که حدود ٧٠ درصد افراد شامل فهرست واجدين شرايط عضويت اين کميسيون، مربوط به يک قوم مى باشند. آنها خواستار لغو کميته اى مى باشند که اين فهرست…
  • ماسکو غونډه کې د طالبانو د پلاوي د وینا بشپړ متن
    ماسکو غونډه کې د طالبانو د پلاوي د وینا بشپړ متن د روسیې په پلازمینه مسکو کې د افغان سولې په تړاو نړیواله غونډه ترسره شو؛ په غونډه کې د طالبانو د استازو او د سولې عالي شورا د نمایندګانو په ګډون د ۱۱ هیوادونو چارواکو ګډون درلوده. له اټکل سره سم، طالبانو له دې غونډې ابزاري استفاده وکړه او د…
  • اسلامی حزب یوه طرحه د ټاکنو خپلواک کمیسیون ته وسپارله
    اسلامی حزب یوه طرحه د ټاکنو خپلواک کمیسیون ته وسپارله د افغانستان د حرب اسلامي ګوند د راتلونکو انتخاباتو د ترسره کېدو د څرنګوالي په اړه، د انتخاباتو خپلواک کمېسیون ته یوه طرح وسپارله. د دغه ګوند مشر ګلبدین حکمتیار د شنبې په ورځ د انتخاباتو د خپلواک کمېسیون له کمیشنرانو سره یوځای یوې خبري غونډې ته وویل، دا طرحه…
  • خواخوږي که دوه رنګي؛ ايران يواځې په ځانګړې ډلې بريدونه غندي
    خواخوږي که دوه رنګي؛ ايران يواځې په ځانګړې ډلې بريدونه غندي د يادو ټولو بريدونو مسوليت ترهګرو پر خپله غاړه اخيستی، دا حملات په کورنۍ او نړيواله کچه وغندل شول. پاکستان، ترکيه، سعودي او اروپايې ټولنه هغه مراجع دي چې په دغو بريدونو کې ځان له افغانانو سره په غم کې شريک بللی، خو ايران بيا پرته له دې چې د…

بـیـې او نرخـونه